काठमाडौं । सेञ्चुरी कमर्सियल बैंक लिमिटेडले नयाँ शाखा विस्तार गरेको छ । आफ्नो सेवा विस्तार गर्ने क्रममा मिति विहिबार काठमाडौं महानगरपालिका वडा नं २५ असन बजारमा नयाँ शाखा सञ्चालनमा ल्याएको हो ।
बैंकका संचालक समिति सदस्य गिता प्रधान र वडा नं. २५ का वडा अध्यक्ष राजेश डंगोलले उक्त शाखाको संयुक्त रुपमा उद्घाटन गरेका हुन् ।
उक्त कार्यक्रममा बैंकका अध्यक्ष राजेशकुमार श्रेष्ठ, बैंकका प्रमुख कार्यकारी अधिकृत मनोज न्यौपाने लगायत बैंक उच्च व्यवस्थापन समूह, स्थानीयबासीहरुको उपस्थिति रहेको थियो ।
असन शाखा संचालनमा आएपछि उपत्यका भित्र बैंकको शाखा संख्या २८ पुगेको छ । २०७८ चैत्र मसान्त सम्ममा बैंकले ९२ अर्ब ९६ करोड निक्षेप संकलन र ८९ अर्ब ६५ करोड कर्जा प्रवाहगरी १ अर्ब १ करोड ५६ लाख खुद रुपैयाँ खुद नाफा कमाएको छ ।
देशका विभिन्न क्षेत्रमा सेवा विस्तार गर्ने उद्देश्यले यस बैंकले शाखा, शाखारहित बैंकिङ्ग तथा एक्सटेन्सन काउण्टरहरु संचालनमा ल्याई बैंकिङ्ग सेवा प्रदान गर्दै आएको छ ।
कुल शाखा संख्या १४५ पुगेको छ भने बैंकले १० एक्सटेन्सन काउण्टर २४ शाखारहित बैंकिङ्ग र ११५ वटा एटिएम रहेको बैंकले जनाएको छ ।
