काठमाडौं । थाई एयरको भगिनी संस्था थाई स्माइलले आगामी जुलाई १ तारिख (असार १७ गते)देखि बैंकक-काठमाडौं-बैंकक उडान गर्ने भएको छ ।
कम्पनीले यस रुटमा दैनिक उडान गर्ने भएको हो । हरेक दिन बैंककको सुवर्ण भूमि अन्तर्राष्ट्रिय विमानस्थलबाट बाट स्थानीय समय अनुसार बिहान १०:३० बजे उड्ने र नेपाली समय अनुसार १२:४० बजे काठमाडौं आइपुग्ने छ ।
त्यसैगरी, हरेक दिन काठमाडौंबाट दिउँसो १:४० बजेर उडेर बेलुका ६:२५ बजे बैंकमा जहाज अवतरण हुने एयरलाइन्सले जनाएको छ । यस रुटको सुरुवाती भाडादर एकतर्फी २८ हजार ७७६ रुपैयाँ रहेको छ ।
हाल यस रुटमा नेपाली ध्वजाबाहक नेपाल एयरलाइन्सले साताको तीन दिन हरेक सोमबार, बुधबार र शुक्रबार उडान गर्दै आएको छ ।
