काठमाडौं। रियल टाइम ग्रस सेटलमेन्ट (आरटीजीएस) प्रणालीमा थप ४ वटा संस्थाहरू आबद्ध भएका छन्। राष्ट्र बैंक भुक्तानी प्रणाली विभागले बुधबार सूचना प्रकाशित गरी थप ४ संस्थाहरु आबद्ध भएको जनाएको हो ।
‘ख’ र ‘ग’ वर्गका ४ वित्तीय संस्थाहरु आरटीजीएस प्रणालीमा आवद्ध भएको र आजैदेखि डाइरेक्ट पार्टिसिपेण्टको रुपमा आबद्ध भई कारोबार गर्ने जनाएको छ ।
आरटीजीएस प्रणालीमा थप भएका ‘ख’ वर्गको मितेरी डेभलपमेन्ट बैंक रहेको छ । यसैगरी, ‘ग’ वर्गमा वित्तीय संस्थामा मितेरी डेभलपमेन्ट बैंक लि।नेपाल फाइनान्स, इन्भेष्टमेण्ट एण्ड फाइनान्स कम्पनी र समृद्धि फाइनान्स कम्पनी रहेको छ ।
ग्राहकले आवश्यकता अनुसार नेपाल राष्ट्र बैंकद्धारा सञ्चालित आरटीजीएस प्रणालीमार्फत एउटा बैंकबाट अर्को बैंकमा भुक्तानी कारोबार फछ्र्यौट गर्न सक्ने छन् ।
रकम पठाउने व्यक्तिले बैंकको कुनै पनि शाखामा एउटा निवेदन लेखेर दिएपछि सोही समयमा नै अर्को बैंकको खातामा रकम जम्मा हुनेछ ।
