काठमाडौं । यो साता सेयर बजारमा तीव्र उतरचडाव देखिएको छ । साताको दुई दिनमा करिब ५० अंकले बढेर तीन दिनमा ५२ अंकले घटेको छ ।
सुरुका दुई दिनमा ३४ अंकले घटेको बजनर मंगलबार र बुधबार गरी दुई दिनमै झण्डै ५० अंकले बढेको थियो । साताको अन्तिम दिन बिहीबार नेप्से १८ अंकले घटेको छ । समग्रमा बजार सातामा २ अंकले घटेको छ ।
आज सेयर बजार मापक सूचक नेप्से १८.१२ अंकले घटेर ११५५.३० अंकमा आइपुगेको छ । आज १६६ कम्पनीको ३९ करोड ९९ लाख ३० हजार ८७१ रुपैयाँको कारोबार भएको छ । १२ लाख २४ हजार ५७२ कित्ता सेयर खरिदबिक्री भएका छन् ।
आज कारोबार भएका १६६ कम्पनीमध्येमा १३८ कम्पनीको सेयर मूल्य बढेको छ । मंगलबार ३४ वटा कम्पनीको मात्र सेयर मूल्य बढेको छ भने १३ कम्पनीको मूल्य स्थिर रहेको छ ।
कारोबार भएका १२ वटा समूहमध्येमा व्यापार र सामूहिक लगानी कोष समूह बाहेक अरु सबै समूहको सूचक घटेका छन् । आज निर्जीवन बीमा समूहको सूचक सबैभन्दा धेरै १०५.३२ अंकले घटेको छ । वाणिज्य बैंक समूह पनि १४.७९ अंकले घटेको छ ।
कारोबार रकमको आधारमा शिबम् सिमेन्टको सेयर शीर्ष स्थानमा रह्यो । यसको ५ करोड २४ लाख ६२ हजार ५७१ रुपैयाँको कारोबार भएको छ ।
कारोबारकै आधारमा प्रभु बैंक र सिद्धार्थ बैंक सेयर क्रमशः दोस्रो र तेस्रोमा रहेका छन् । प्रभुको २ करोड ६७ लाख र सिद्धार्थको १ करोड ८१ लाख रुपैयाँभन्दा बढीको सेयर खरिद–बिक्री भएको छ ।
आज समता माइक्रोफाइनान्सको सेयर मूल्यमा पोजेटिभ सर्किट लागेको छ। यसको मूल्य ठ्याक्कै १० प्रतिशतले बढेको छ भने गुँरास लघुवित्तको सेयर मूल्य भने सबैभन्दा धेरै ८.४६ प्रतिशतले घटेको छ ।
