काठमाडौं । वैशाख महिनाको ९ दिनमै बैंकिङ प्रणालीबाट २२ अर्ब निक्षेप बाहिरिएको छ । नेपाल बैंकर्स संघका अनुसार वैशाख २ गतेदेखि ९ गतेसम्मको अवधिमा उक्त निक्षेप फिर्ता गएको हो ।
संघको तथ्यांक अनुसार चैत मसान्तमा ४३ खर्ब ८९ अर्ब रुपैयाँ रहेको निक्षेप वैशाख ९ गतेसम्म आइपुग्दा घटेर ४३ खर्ब ६७ अर्बमा सीमित भएको छ । वैशाख पहिलो साता १२ अर्ब र दोस्रो साता १० अर्ब निक्षेप घटेको संघले जनाएको छ ।
नेपाल आय निगमले इन्डियन आयल कर्पोरेशनलाई तेलको भुक्तानी गर्नका लागि बैंकमा राखेको पैसा झिक्दा निक्षेप बाहिरिएको बताइएको छ ।साथै, स्थानीय तहको चुनावका लागि राजनीतिक दलका नेताहरुले यसअघि बैंकमा राखेको पैसा झिक्दा पनि निक्षेप बाहिरिएको बताइन्छ ।
बैंकबाट २२ अर्ब बाहिरिँदा बैंकहरुको कर्जा विस्तार पनि घटेको छ । वैशाखको दुई सातामा बैंकहरुको कर्जा विस्तार ३ अर्बले घटेको संघले बताएको छ । वैशाख दोस्रो सातासम्म वाणिज्य बैंकहरुको कुल कर्जा ल
गानी ४१ खर्ब ९४ अर्ब रुपैयाँ रहेको छ ।
