काठमाडौं । पत्रकार उज्वलजंग शाह उपराष्ट्रपति नन्दबहादुर पुनद्वारा सम्मानित भएका छन् । फोकस नेपालद्वारा आयोजित लोकतन्त्र दिवस–२०७९ को विशेष समारोहमा शाह ‘विशेष सेवा सम्मान-२०७९’बाट सम्मानित भएका हुन् ।
शाह विगत लामो समयदेखि अत्यन्त निष्ठा र सर्म्पणका साथ सञ्चार क्षेत्रमा आबद्व छन् । यस्तै, आर्थिक व्यस्थापन, सेवामूलक व्यवसायी तथा समाजसेवीका रुपमा पनि शाह परिचित छन् ।
दुई दशकदेखि पत्रकारीता क्षेत्रमा सक्रिय रहँदै आएका शाह नेपाल अटो पत्रकार संघका अध्यक्ष, ईश्वरलाल प्रतिष्ठानका सचिव समेत रहेका छन् । आर्थिक क्षेत्रका पत्रकारितामा अब्बल मानिने शाहले विभिन्न राष्ट्रिय तथा अन्तर्राष्ट्रिय सम्मान तथा पुरस्कार समेत प्राप्त गरेका छन् ।
