काठमाडौं । निजी क्षेत्रको हवाई सेवा प्रदायक बुध्द एयर र पोखराको अन्नपूर्ण केबलकार बीच सम्झौतामा भएको छ । सम्झौता अनुसार अब बुद्ध एयरको बोर्डिङ पासमा केबलकारको टिकटमा १२ प्रतिशत छुट हुने भएको छ ।
बद्ध एयरबाट पोखरा यात्रा गर्ने यात्रुहरुलाई प्रत्येक बोर्डिङ पासमा केबल कारमा १२ प्रतिशत छुट पाउने भएका हुन् । बोर्डिङ पास जारी गरिएको ५ दिनभित्र केबलकार चढ्नेले यो सुविधा पाउने कम्पनीले जनाएको छ ।
बद्ध एयरले काठमाडौंबाट दैनिक १० भन्दा बढी पोखराको उडान भर्दैै आएको छ । बुद्धले एयरसँग ७२ सिटे एटीआर–७२ जहाज ११ वटा, ४२ सिटे एटीआर–४२ जहाज ३ वटा र दुईवटा बीचक्राफ्ट जहाज रहेका छन् ।
