एजेन्सी । कार्गो कम्पनी डीएचएलको एउटा बोइङ ७५७ विमान आकस्मिक अवतरणका क्रममा दुर्घटना हुँदा दुई टुक्रा भएको छ । कोष्टारिकाको जुआन सान्तामारिया अन्तर्राष्ट्रिय विमानस्थलमा बिहीबार अवतरणका क्रममा उक्त विमान धावनमार्ग दुर्घटनामा परेको हो ।
सामान्य रुपमा नै अवतरण गरेको विमान धावनमार्गमा झरेर केही गुडेपछि यूटर्न भएको सो जहाज धावनमार्गबाट बाहिर चौउरमा पुगेको भिडियोमा देखिएको छ ।डीएचएलका अनुसार दुर्घटनाग्रस्त विमानमा चालक दलका सदस्य मात्र रहेका र उनीहरू सकुशल रहेका छन् ।
उत्तर अमेरिकी देश ग्वाटेमालाका लागि उडेको सो विमानमा हाइड्रोलिक समस्या देखिएको भन्दै पाइलटले आकस्मिक अवतरण गराएको कोष्टारिकाको नागरिक उड्ययन प्राधिकरणले जनाएको छ ।
दुर्घटनामा परेको विमान सन् १९९९ मा बनेको हो ।
A much clearer version of the crash landing has emerged!
Source: Unknown#DHL #AvGeek pic.twitter.com/FCYbgFaW0H
— AviationSource (@AvSourceNews) April 7, 2022
