काठमाडौं । साल्ट ट्रेडिङ कर्पोरेशशनको लाभांश पाउन सेयर किन्ने आज (चैत १४ गते) अन्तिम दिन रहेको छ । कम्पनीले गत वर्षको मुनाफाबाट घोषणा गरेको १०.५ प्रतिशत लाभांश सुरक्षित गर्ने आज अन्तिम दिन हो ।
कम्पनीले साधरणसभा प्रयोजनका लागि भोलि (चैत १५ गते) बुकक्लोज मिति तोकेको छ । तसर्थ, आजसम्म नेप्सेमा कारोबार भइ कायम रहने सेयरधनीले मात्र प्रस्तावित लाभांश पाउने छन् ।
कम्पनीले आर्थिक वर्ष २०७७/७८ को मुनाफाबाट १० प्रतिशत बोनस सेयर र कर प्रयोजनका लागि ०.५ प्रतिशत नगद गरी कुल १०.५ प्रतिशत लाभांश वितरण गर्ने प्रस्ताव गरेको छ । उक्त लाभांश पारित गर्न कम्पनीले चैत ३० गते वार्षिक साधरण सभा बोलाएको छ ।
प्रस्तावित लाभांश कम्पनीको साधरण सभाले पारित गरेपछि सेयरधनीले पाउनेछन् ।
