काठमाडौं । त्रिभुवन अन्तर्राष्ट्रिय विमानस्थलबाट हुने उडान र अवतरण आज पनि केही बेर प्रभावित हुने भएको छ । चिनियाँ विदेशमन्त्री वाङ यी नेपाल आउँदा विमानस्थलको उडान प्रभावित हुने भएको हो ।
विदेशमन्त्री वाङ अपराह्न साढे ५ बजे भारतबाट काठमाडौं आउने तालिका रहेको छ । वाङ आउने विमान अवतरण हुने बेला अरु उडान र अवतरण केहीबेर प्रभावित हुने विमानस्थलले जनाएको छ ।
करिब आधा घण्टा विमानस्थलबाट हुने उडान प्रभावित हुन सक्ने बताइएको छ । तीन दिने भ्रमणको लागि चिनियाँ विदेशमन्त्री वाङ आज नेपाल आउँदै छन् ।
बिहीबार पनि विमानस्थलको उडान प्रभावित भएको थियो । सूचना प्रणाली र राडारमा समस्या आउँदा बिहीबार विहान उडान प्रभावित भएको थियो ।
