काठमाडौं । सरकारी स्वामित्वको दूरसंचार सेवा प्रदायक नेपाल टेलिकमले होली अफर ल्याएको छ । टेलिकमले फागु पूर्णिमाको अवसरमा विभिन्न प्याकेजका अनलिमिटेड डेटासहितको अफर ल्याएको हो ।
टेलिकमले ६९ रुपैयाँमा २४ घण्टाका लागि १ एमबीपीएस अनलिमिटेड डेटा उपलब्ध गराउने भएको छ । यस्तै, ९८ रुपैयाँमा ३ दिनका लागि ६ जीबी डेटा र २९४ रुपैयाँमा १० दिनका लागि २० जीबी डेटा अफर ल्याएको छ ।
*१४१५*११# डायल गरेर वा ‘नेपाल टेलिकम एप’ प्रयोग गरी प्याक खरिद गर्न सकिन्छ। फागू पूर्णिमा र चैते दशैंलाई समेत दृष्टिगत गरी ल्याइएको यस अफर १५ दिनसम्म कायम रहने टेलिकमले जनाएको छ ।
