काठमाडौं । सुनको भाउ ह्वात्तै बढेको छ । आइतबार एकैदिन २ हजार रुपैयाँले बढेर छापावाल सुन प्रतितोला १ लाख १ हजार ९०० रुपैयाँ पुगेको हो ।
शुक्रबार छापावाला सुन प्रतितोला ९९ हजार ९०० रुपैयाँमा कारोबार भएको थियो । त्यस्तै, आज तेजाबी सुन प्रतितोला १ लाख १ हजार ४०० रुपैयाँ पुगेको छ ।आइतबार चाँदी पनि तोलामा ३५ रुपैयाँले बढेर प्रतितोला १ हजार ४१५ रुपैयाँ पुगेको छ ।
अन्तर्राष्ट्रिय बजारमा सुनको भाउ आकाशिएसँगै नेपालमा पनि त्यसको प्रभाव परेको हो । पछिल्लो समय रुस र युक्रेन बीच भइरहेको युद्धका कारण अन्तर्राष्ट्रिय बजारमा सुनको भाउ लगातार बढेको छ ।
