काठमाडौं । नेप्सेमा सूचीकृत अधिकांश कम्पनीहरुले गत आर्थिक वर्ष २०७७/७८ को नाफाबाट लाभांश घोषणा गरेका छन् । बीमा क्षेत्रका कम्पनी बाहेक अन्य क्षेत्रका अधिकांश कम्पनीहरुले साधरण सभा समेत गरिसकेका छन् ।
हालसम्म लाभांश घोषणा गरेकामध्ये १० बीमा कम्पनीले भने साधरण सभा प्रयोजनका लागि अझै बुकक्लोज गरेका छैनन् । तसर्थ, अझै यी कम्पनीको सेयर किन्दा लाभांश पाइन्छ ।
हिमालयन जनरल, एनएलजी, नेको, सिद्धार्थ, आइएमई जनरल, प्रुडेन्सियल, लुम्बिनी जनरल, प्रभु, नेशनल लाइफ र नेपाल लाइफको सेयर किन्दा अझै लाभांश पाइन्छ ।
आर्थिक वर्ष २०७७/७८ को मुनाफाबाट प्रभु इन्स्योरेन्सले ११ प्रतिशत बोनस र ०.५८ प्रतिशत नगद गरी ११.५८ प्रतिशत, नेको इन्स्योरेन्सले १५ प्रतिशत बोनस र ०.७९ प्रतिशत नगद गरी कुल १५.७९, सिद्धार्थ इन्स्योरेन्सले १५ प्रतिशत बोनस र ०.७९ प्रतिशत नगद गरी कुल १५.७९ र हिमालयनले ६.६५ प्रतिशत बानेस र ०.३५ प्रतिशत नगद गरी कुल ७ प्रतिशत लाभांश घोषणा गरेको छ ।
त्यस्तै, एनएलजी इन्स्योरेन्सले १० प्रतिशत बोनस सेयर र ०.५३ प्रतिशत नगद गरी कुल १०.५३ प्रतिशत, नेशनल लाइफ इन्स्योरेन्सको १९ प्रतिशत बोनस र १ प्रतिशत नगद गरी २० प्रतिशत, लुम्बिनी जनरलले ९.५२ प्रतिशत बोनस र ०.४८ प्रतशत नगद गरी १० प्रतिशत लाभांश घोषणा गरेको छ ।
त्यस्तै, आइएमई जनरल र प्रुडेन्सियल इन्स्योरेन्सले समान ७ प्रतिशत बोनस र ०.३७ प्रतिशत नगद गरी ७.३७ प्रतिशत लाभांश घोषणा गरेका छन् । त्यस्तै, नेपाल लाइफले आर्थिक वर्ष २०७६/७७ को मुनाफाबाट १४ प्रतिशत बोनस र ०.७३ प्रतिशत नगद लाभांश घोषणा गरेको छ ।
प्रस्तावित लाभांश सम्बन्धित कम्पनीको साधरणसभाले पारित गरेपछि मात्र सेयरधनीले पाउनेछन् ।
