काठमाडौं । जलविद्युत् लगानी तथा विकास कम्पनी (एचआइडीसीएल) ले संस्थापक समूहको सेयर पुनः लिलामीमा ल्याउने भएको छ ।
बिहीबार बसेको सञ्चालक समितिको बैठकले कम्पनीले यसअघि जारी गरेको हकप्रद सेयरमध्ये संस्थापक समूहको विक्री नभएको ३ करोड ३० लाख कित्ता सेयर फेरि लिलामीमा ल्याउने निर्णय गरेको हो ।लिलाम बढाबढ प्रक्रिया सम्बन्धी सूचना भने पछि प्रकाशित गर्ने कम्पनीले जानकारी गराएको छ ।
एचआइडीसीएलले यसअघि गत असोज ७ गतेदेखि १४ गतेसम्म सर्वसाधारण समूहको ३२ लाख २९ हजार ७२४ कित्ता र संस्थापक समूहको ३ करोड ३० लाख कित्ता सेयर लिलामीमा ल्याएको थियो ।
सो बेला सर्वसाधरणतर्फको सेयर विक्री भए पनि संस्थापक सेयर भने विक्री हुन सकेको थिएन । सोही सेयर अहिले फेरि लिलामी मार्फत विक्री गर्न लागेको हो ।
