काठमाडौं । महालक्ष्मी विकास बैंक लिमिटेडले संस्थागत सामाजिक उत्तरदायित्व अन्तर्गत एक विद्यालयलाई स्यानिटरी प्याड सहितको भेन्डिङ मेसिन प्रदान गरेको छ ।
बैंकको शंखमूल शाखाले काठमाडौंको बुद्धनगर वडा नं. १० स्थित बुद्धनगर आधारभूत विद्यालयलाई एक विशेष कार्यक्रमका बीच स्यानिटरी प्याड सहितको भेन्डिङ मेसिन हस्तान्तरण गरेको हो ।
उक्त विद्यालयमा अध्ययनरत छात्राहरु महिनावारीको समयमा पनि निर्धक्क रुपले विद्यालय आएर पढाइलाई निरन्तरता दिन सकुन् भन्ने उद्देश्यले उक्त मेसिन प्रदान गरेको हो ।
छात्राहरुलाई विभिन्न रोगहरुबाट बच्न स्यानिटरी प्याडको प्रयोग गर्न सहजता प्रदान गर्ने उद्देश्यले उक्त कार्यक्रम गरिएको शंखमूल शाखाका शाखा पबन्धक पूण्य श्रेष्ठले बताए ।
विद्यालय संचालक समितिका अध्यक्ष श्याम तन्डुकारले विद्यालयलाई स्यानिटरी प्याड सहितको भेन्डिङ मेसिन प्रदान गर्नुले छात्राहरुमा विद्यालय आउने थप हौसला मिलेको बताउँदै बैकलाई धन्यवाद दिए ।
बैंकले हाल देशभरका १०३ वटा शाखामार्फत करिब ६ लाख ग्राहकलाई बैंकिङ सेवा प्रदान गर्दै आएको छ ।
