काठमाडौं । शिखर इन्स्योरेन्सको सेयरमा लगानीकर्ताको उच्च आकर्षण देखिएको छ । निर्जीवन बीमा कम्पनीहरुको लिडर समेत रहेको शिखरको सेयरमा केही दिन यता उच्च आकर्षण देखिएको हो ।
पछिल्लो दुई करोबार दिनमा शिखरको सेयर मूल्य उच्च अंकले बढेको छ । दुई दिनमै शिखरको सेयर मूल्य प्रतिकत्ता १६० रुपैयाँभन्दा धेरैले बढिसकेको छ । बुधबारसम्म १९०० हाराहारीम रहेको शिखरको सेयर मूल्य आज (११ः३० बजेसम्म) २१०० नजिक पुगेको छ ।
शिखरले नेपाल धितोपत्र बोर्डबाट हाल कायम चुक्ता पूँजीको ३० प्रतिशत हकप्रद जारी गर्न अनुमति पाएसँगै लगानीकर्ता यसको सेयरमा झुम्मिएका हुन् ।
शिखरले प्रतिकित्ता १०० रुपैयाँ दरले ५२ करोड ७५ लाख ५७ हजार २०० रुपैयाँ बराबरको ५२ लाख ७५ हजार ५७२ कित्ता हकप्रद जारी गर्न गतसाता अनुमति पाएको हो ।
साथै, विगतका वर्षहरुमा आकर्षक लाभांश दिँदै आएको इन्स्योरेन्सले गत वर्षको मुनाफाबाट पनि राम्रो लाभांश दिने आशमा लगानीकर्ता झुम्मिएको अनुमान छ ।
