काठमाडौं । सरकारले सपिङ मल, डिपार्टमेन्ट स्टोरमा २५ जनाभन्दा बढी उपस्थित हुन रोक लगाएको छ । शुक्रबार बसेको मन्त्रिपरिषद् बैठकले कोरोना संक्रमण बढेको भन्दै यस्तो निर्णय गरेको हो ।
नयाँ आदेशअनुसार अब सपिङमल तथा डिपार्टमेन्ट स्टोरहरुमा एक पटकमा २५ जना मात्र प्रवेश गर्न दिनुपर्नेछ ।
साथै पार्टी प्यालेसहरु कुल क्षमताको एकतिहाई मात्र चलाउनुपर्ने छ भने एकपटकमा ५० जनाभन्दा बढी भीड हुन पाइने छैन । साथै, विवाह, ब्रतबन्ध जस्ता धार्मिक सांस्कृति कार्य सञ्चालन गर्न प्रमुख जिल्ला अधिकारीबाट पूर्वस्वीकृति लिएर गर्नुपर्नेछ ।
यस्तै सरकारले माघ १५ गतेसम्म सिनेमा हल, डान्स बार, जिम खाना, दोहोरी, पटके हाटहरु संचालनमा रोक लगाएको छ। सरकारले गरेका यी निर्णयहरु आइतबारबाटै लागू हुनेछ।
