काठमाडौं । बिग मर्जरमा जान लागेका नबिल र नेपाल बंगलादेश बैंकको सेयर आदानप्रदान अनुपात (स्वाप रेसियो) टुंगो लागेको छ । दुवै बैंककोे प्रतिनिधि रहेको संयुक्त मर्जर समितिले स्वाप रेसियो टुंग्याएको हो ।
संयुक्त मर्जर समितिले नबिल र बंगलादेशको स्वाप रेसियो १००:४३ प्रतिशत निर्धारण गरेको छ । सो अनुसार बंगलादेश बैंकको १०० कित्ता सेयर हुनेले नबिल बैंकको ४३ कित्ता सेयर पाउने छन् ।
यसअघि नै नबिल बैंक र बंगलादेश बैंकबीच गाभ्ने/गाभिने सम्बन्धी अनौपचारिक सहमति भइसेको छ भने दुवै बैंकले मर्जर समितसमेत गठन गरेका छन् । नबिलले उदयकृष्ण उपाध्याय र एनबी बैंकले इन्द्रबहादुर थापाको नेतृत्वमा मर्जर समित बनाएको छ ।
बंगलादेश बैंकको मुख्य सेयरधनी बंगलादेशको आइएफआइसी बैंकको ४१ प्रतिशत सेयर नबिलका मुख्य साझेदार चौधरी समूहले खरिद गर्ने दुवै पक्षबीच सम्झौता भइसकेको छ । यद्यपि, अदालतले भने चौधरीलाई उक्त सेयर किन्न रोक लगाएको छ । अदालतको आदेशसँगै अब मर्जर प्रक्रिया के हुन्छ भन्ने अन्योलमा परेको छ ।
