काठमाडौं । राइडिङ सेयर पठाओ र हवाई सेवा प्रदायक कम्पनी यती एयरलाइन्सले बीच यात्रुहरूको सहज यात्राका लागि सम्झौता भएको छ ।
सम्झौता अनुसार यात्रुले यती एयरलाइन्सको मोबाइल एप वा वेबसाइटबाट हवाई टिकट खरिद गर्दा पठाओको बाइक राइडमा २० प्रतिशत छुट पाउने छन् । त्यस्तै, कार लाइट (ट्याक्सी) मा पनि ५० प्रतिशत (१७५ रुपैयाँसम्म) छुट प्राप्त गर्न सक्नेछन् ।
यो अफर बुधबारदेखि लागू भएको जनाइएको छ । काठमाडौं उपत्यकाका यात्रुलाई एयरपोर्टसम्म जान र आफ्नो गन्तव्यबाट एयरपोर्ट फर्किएपछि स्थानीय गन्तव्यसम्म पुग्न सहजताका लागि यती एयरलाइन्स र पठाओले संयुक्त सहकार्यमा ‘सहज यात्रा’ अफर ल्याएका हुन् ।
भविष्यमा यती एयरलाइन्सका सबै यात्रुलाई यो अफर लागू गर्ने योजना रहेको हमालले बताइन् ।
