काठमाडौं । हिमालयन बैंकले आफ्नो शाखा सञ्जाल विस्तार गर्ने क्रममा सुदूरपश्चिम प्रदेशको कञ्चनपुरको भीमदत्त नगरपालिका–६, चम्मनचोकमा संचालनमा ल्याएको छ ।
बैंकले सोमबारदेखि महेन्द्रनगर शाखा सञ्चालनमा ल्याएको हो । बैंकले उक्त शाखाबाट ग्राहकलाई अत्याधुनिक बैंकिङ्ग सुविधाहरु उपलब्ध गराउनेछ ।
महेन्द्रनगरका प्रतिष्ठित उद्योगी, व्यवसायी तथा प्रतिष्ठित व्यक्तिहरुको उपस्थितिमा बैंकले यस शाखाबाट कारोबार सुरु गरेको छ । बैंकको यो शाखा कञ्चनपुर जिल्लाको पहिलो तथा सूदुरपश्चिम प्रदेशको आठौं शाखा हो ।
महेन्द्रनगर शाखाले सम्पूर्ण आधुनिक बैंकिङ्ग सेवाहरु सहित लकर सेवा समेत सञ्चालनमा ल्याएको शाखा प्रबन्धक बैजनाथ प्रसाद कोइरीले बताए ।
बैंकले हाल देशभरका ७४ शाखा कार्यालय, ५ विस्तारित काउन्टर र १४८ एटीएममार्फत बैंकिङ सेवा प्रदान गर्दै आएको छ ।
