काठमाठौं । नेपाली आकाशमा विदेशबाट आएका ७ वटा जहाजले फन्को मारिरहेका छन् । बाक्लो हुस्सु र कुहिरोका कारण भिजिबिलिटी कम हुँदा ती जहाजहरु ल्याण्ड हुन नसक्दा आकाशमै फन्को मारिरहेका हुन् ।
त्रिभुवन विमानस्थल टर्मिनल कार्यालयका अनुसार भिजिबिलिटी कम हुँदा विमानस्थलमा उडान र अवतरण दुवै हुन सकेको छैन ।
भिजिबिलिटीका कारण (बिहान ९ः५० बजेसम्म)अवतरण हुन नसकेपछि खाडी मुलुकबाट आएका ७ वटा जहाज सिमराको आकाशमै फन्को लगाइरहेका हुन् । तीमध्ये केही जहाजले २ घण्टाबढी फन्को लगाइसकेका छन् ।
कुवेतबाट आएका जजिरा एयरलाइन्सका दुईवटा (जेजेडआर १५४१ र जेजेडआर ५३९) जहाजले विहान साढे ७ बजेदेखि आकाशमै फन्को लगाइरहेका छन् । यी जहाजले नेपाली आकाशमा २२ फन्को लगाइ सकेका छन् ।
त्यस्तै, ल्याण्ड हुन नसकेर कतारको दोहाबाट आएको नेपाल एयरलाइन्स, हिमालयन एरलाइनस र कतार एयरलाइन्सको जहाज, दुबईबाट आएको हिमालयन एयरलाइन्स र फ्लाइ दुबइको जहाजले आकाशमै फन्को लगाइरहेका छन् ।
