काठमाडौं । सानिमा बैंकले आर्थिक वर्ष २०७५/७६ को नाफाबाट २१.०५ प्रतिशत लाभांश दिने घोषणा गरेको छ ।
बैंकको सोमबार बसेको सञ्चालक समिति बैठकले गत वर्षको नाफाबाट १० प्रतिशत बोनस र ११.०५ प्रतिशत नगद लाभांश दिने निर्णय गरेको हो ।
बैंकले नेपाल राष्ट्र बैंक र आगामी साधारण सभाबाट अनुमोदन भएपछि लाभांश वितरण प्रक्रिया सुरु हुनेछ । अघिल्लो वर्ष सानिमाले १४% नगद लाभांश दिएको थियो ।
हाल सानिमा बैंकको चुक्ता पूँजी ८ अर्ब १२ लाख ५५ हजार रुपैयाँ रहेको छ । बोनस वितरणपछि चुक्ता पूँजी ८ अर्ब ८० करोड १३ लाख ८० हजार रुपैयाँ पुग्नेछ ।
