काठमाडौं । सिभिल बैंकले देशभर विभिन्न कार्यक्रम गर्दै एघारौं वार्षिकोत्सव मनाएको छ । संचालक समितिका अध्यक्ष प्रतापजङ्ग पाण्डको प्रमुख अतिथ्य र प्रमुख कार्यकारी अधिकृत सुनिल कुमार पोखरेलको अध्यक्षतामा बैंकको प्रधान कार्यालयमा विभिन्न सेवाहरुको थालनी गर्दै शनिबार वार्षिकोत्सव मनाएको हो ।
बैंकले प्रधान कार्यालय लगायत देशै भरिका शाखाहरुमा समेत विभिन्न कार्यक्रमहरु आयोजना गरेको छ । बैंकको प्रधान कार्यालयमा प्रायोरीटि बैंकिङ सेवाको उद्घाटन बैंकका अध्यक्ष प्रताप जङ्ग पाण्डेले तथा कल सेन्टर सेवा र मिस्ड कल बैंकिंग “एक घण्टी झ्याप्प पेमेन्ट” सेवाको शुभारम्भ बैंकका संचालक समितिका सदस्य प्रकाश तायलले गरे ।
बैंक्ले सिभिल बैंक इन्टरनेशनल भर्चुयल डलर कार्ड सेवा, सिभिल भर्चुयल एसिस्टेन्ट “सिभा” सेवाको सुरुआत गरेको छ । यस्तै बैंकले वार्षिकोत्सवको अवसरमा देशभर छरिएका बैंकका मुख्य शाखा सहित ३८ स्थानमा ५९ शाखाहरुको सहभागितामा रक्तदान कार्यक्रमको आयोजना गर्यो ।
त्यसैगरी सामाजिक उत्तरदायित्व अन्तर्गत बैंकका ५६ स्थानका ५६ वटै शाखाहरुमा विपन्न तथा जेहन्दार छात्रालाई छात्रवृति कार्यक्रमको आयोजना गर्ने भएका छन् । बैंकले सरकारी विद्यालयमा कक्षा ६ देखि कक्षा १० मा अध्ययनरत गरीव तथा जेहन्दार छात्रालाई छात्रवृति स्वरुप ५,००० प्रदान गरिने कार्यक्रम रहेको ।
त्यसैगरी बैंकमा १० वर्षदेखिसेवा प्रदान गरेका बैंक कर्मचारीहरुलाई पनि बैंकले अभिनन्दन गरेको छ । सिभिल बैंकले एघारौं वर्ष पार गर्दा सम्म करिब ९२ अर्ब निक्षेप संकलन गरि करिब ८८ अर्व ऋण लगानी गरेको छ । बैंकले यस आर्थिक वर्षको प्रथम त्रैमास सम्ममा २९.१८ करोड खुद मुनाफा कमाउन सफल भएको छ । बैंकले हाल ११५ शाखा तथा १० वटा एक्सटेन्सन काउण्टर मार्फत सेवा संचालन गर्दै आएको छ ।
