काठमाडौं । सूर्या लाइफ इन्स्योरेन्सले आर्थिक वर्ष २०७६/७७ को मुनाफाबाट सेयरधनीलाई लाभांश घोषणा गरेको छ । इन्स्योरेन्स संचालक समितिको शनिबार बसेको बैठकले १२.७ प्रतिशत बोनस सेयर र कर प्रयोजनका लागि ०.६६ नगद गरी कुल १३.३६ प्रतिशत लाभांश दिने निण्र्नय गरेको हो ।
इन्स्योरेन्सले प्रस्ताव गरेको लाभांश नियामक निकाय बीमा समितिको स्वीकृति र कम्पनीको आगामी साधारणसभाबाट पारित भएपछि सेयरधनीले पाउनेछन् ।
यसैगरी, महुली लघुवित्त वित्तीय संस्थाले पनि गत आर्थिक वर्ष २०७७/७८ को मुनाफाबाट लाभांश घोषणा गरेको छ । लघुवित्त संचालक समितिको शनिबार बसेको बैठकले २६ प्रतिशत बोनस सेयर दिने घोषणा गरेको हो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र लघुवित्तको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
