काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल समृद्धि फण्ड–१ ले गत आर्थिक वर्ष २०७५/०७६ को लाभांश घोषणा गरेको छ।
एनआईबिएल एस क्यापिटलको भदौ १२ गते बसेको सञ्चालक समितिको बैठकले इकाईधनीलाई कर सहित ६.५० प्रतिशत लाभांश दिने घोषणा गरेको हो । सो बैंठकले ६ करोड ५० लाख रुपैयाँ बराबरको नगद लाभांश वितरण गर्ने प्रस्ताव गरेको हो।
अघिल्लो आर्थिक वर्ष २०७४/०७५ मा १२ प्रतिशत नगद लाभांश वितरण गरेको थियो । सेयर बजारमा मन्दी छाएपछि सूचीकृत कम्पनीको सेयरमूल्य घट्दा लाभांश करिब आधाले घटेको क्यापिटलले जनाएको छ ।
