काठमाडौं । सेयर बजारमा लगातार भिषण पहिरो गएको छ । साताको तेस्रो दिन ७७.३३ अंकले घटेर नेप्से परिसूचक २५१०.७३ को बिन्दुमा झरेको हो । यसअघि आइतबार दशैं विदा पछिको पहिलो कारोबार दिनमा १७.५९ अंकले बढेको बजार सोमबार ६९.५१ अंंकले घटेको थियोे ।
आज २२१ कम्पनीको ३ अर्ब ७७ करोड रुपैयाँको कारोबार भएको छ । नेप्सेका अनुुसार ५४ हजार पटकको सेयर कारोबारमा ९ लाख ५७ हजार कित्ता सेयर किनबेच भएको छ ।
आज कारोबारमा आएका सबै उप–समूहको राताम्मे भएका छन् ।
फाइनान्स समूह सबैभन्दा धेरै ५.९ प्रतिशतले घटेको छ भने हाइड्रो पावर र विकास बैंक ४ प्रतिशत बढिले घटेका छन् । यसैगरी निर्जीवन बीमा, बैंकिङ, माइक्रो फाइनान्स पनि २ प्रतिशत भन्दा बढिले घटेका छन् ।
आज नबिल बैंकको सर्वाधिक कारोबार भएको छ । बैंकको ११ करोड १३ लाख रुपैयाँ बढीको कारोबार भएको छ । यस्तै, नेपाल क्रेडिट एण्ड कर्मश बैंकको १० करोड रुपैयाँ बराबरको सेयर कारोबार भएको छ । हिमाालयन डिस्टिलरी, अपि पावर र नेशनल हाइड्रो कम्पनीको ९ करोड रुपैयाँ बढिको सेयर खरिद बिक्री भएको छ ।
घटेको बजारमा पनि माहुली सामुदायीक लघुवित्त र मानुसी लघुवित्तको सेयर मूल्य ४ प्रतिशत बढिले बढेको छ ।
आज सबैभन्दा बढि नेपाल हाइड्रो डेभलपरका लगानीकर्ताले करिब १० प्रतिशतले गुमाएका छन् । यस्तै, नेशनल हाइड्रोपावरका लगानीकर्ताले ९.४९ प्रतिशले गुमाएका छन् । आज अरुण भ्याली हाइड्रो र मैलुङ खोला हाइड्रोपावरको सेयर मूल्य ८ प्रतिशतले घटेको छ ।
