काठमाडौं । लोकप्रिय नेपाली ब्राण्ड ‘बाजेको सेकुवा’ले ललितपुरको कुमारीपाटीमा शाखा विस्तार गरेको छ । बुधबार एक कार्यक्रमका बिच शाखाको उद्घाटन गरिएको थियो । सेकुवा पारखीहरुलाई मौलिक नेपाली स्वाद पस्कँदै आएको नेपाली रेष्टुराँ सञ्जाल बाजेको सेकुवाले सञ्जाल विस्तारलाई अघि बढाउँदैं आएको छ ।
उक्त फ्रेञ्चाइजमा प्रकाशचन्द्र श्रेष्ठ, रोजित श्रेष्ठ, गोपाल तामाङ र माइतवर गुरुङको संयुक्त लगानी रहेको छ । ललितपूरको मूख्य व्यापारिक सहरमा बढ्दो रेष्टुराँ संस्कृतिलाई लक्षित गर्दै बाजेको भेञ्चर प्रालिले फ्रेञ्चाइज मोडलमा रेष्टुराँ सञ्जाल विस्तार गरेको हो ।
बाजेको सेकुवा ब्राण्डमा जनकपुर, नेपालगञ्ज, वीरगञ्ज विराटनगर र मुग्लिनमा साथै नेपाल बाहिर अमेरिकाका, अष्ट्रेलिया र बेलायतमा समेत आगामी २ वर्षभित्र रेष्टुराँ सञ्जाल विस्तार गर्ने कम्पनीको योजना रहेकाे जनाएकाे छ ।
काठमाडौं उपत्यका बाहिर पोखरा, भरतपुर र बुटवलमा फ्रेञ्चचाइज मोडलमा रेष्टुराँ सञ्चालन भइरहेको छ भने अमेरिकाको न्यूयोर्कमा पनि बाजेको सेकुवा हिमालयन ग्रिल भनेर फ्रेञ्चाइज सञ्चालनमा रहेको छ । यसैगरी अमेरिकाका लागि डालासका लागि फ्रेञ्जाइज सम्झौता अन्तिम चरणमा पुगेको कम्पनीले जनाएकाे छ ।
एउटा रेष्टुराँ स्थापनाका लागि ५० लाखदेखि ८० लाख रुपैयाँसम्म प्रारम्भिक लगानी आवश्यक पर्छ । नयाँ खुल्ने बाजेको सेकुवामा कम्तीमा २० जनाले प्रत्यक्ष रोजगारीको अवसर समेत पाउँछन् । बाजेको सेकुवा ब्राण्डमा रेष्टुराँ सञ्चालन गर्न चाहने इच्छुक लगानीकर्ताको पहिचान र फ्रेञ्चाइज सम्झौता गर्ने काम बाजेको भेञ्चर प्रालि कम्पनीले गर्दै आएको छ ।
फ्रेञ्चाइज मोडलको रेष्टुराँमा बाजेको भेञ्चर प्रालिको सर्तका अधिनमा रहेर तोकिएको दस्तुर र मासिक व्यापारको केही प्रतिशत रोयल्टी तिर्ने सहमतिमा बाजेको सेकुवा ब्राण्डको रेष्टुराँ सञ्चालनको स्वीकृति दिन गरेको छ ।
काठमाडौंको सिनामंगलमा ४ दशक अघि सुरु भएको बाजेको सेकुवा अन्तर्गत अहिले उपत्यका बाहिर ३ वटा आउटलेट सहित ११ वटा रेष्टुराँ सञ्चालनमा छन् । योमध्ये अनामनगर, सोह्रखुट्टे, गौरीधारा र बत्तिसपुतलीमा सबै लगानी कम्पनीको आफ्नै छ भने बाँकीमा फ्रेञ्चाइज हुन ।
