काठमाडौं । सनराइज बैंकले विभिन्न कम्पनी तथा कार्यालयका कर्मचारीलाई लक्षित गर्दै ‘सनराइज पेरोल लोन’ योजना ल्याएको छ ।
बैंकको यस योजना अनुसार आफ्नो बैंकमा तलबी खाता भएका ग्राहकले बिना धितो १५ लाख रुपैयाँसम्म ऋण पाउने छन् ।
बैंकका अनुसार ग्राहकले अधिकतम २४ महिनाको तलब वा ५ लाख रुपैयाँसम्मको ओभरड्राफ्ट र १० लाख रुपैयाँसम्मको टर्म लोन पाउन छन् । यस्तो कर्जा अधिकतम ५ वर्षसम्मका लागि दिइने बैंकले जनाएको छ ।
यस्तै, बैंकले १४ औं वार्षिक उत्सव र दशैंको अवसर पारेर मुद्दती खातामा सर्वाधिक १०.०७ प्रतिशत ब्याज दिने योजना समेत ल्याएको छ ।
