काठमाडौं । सरकारले ५ लाख गरीब तथा विपन्न परिवारलाई प्रति परिवार १० हजार नगद अनुदान दिने घोाषणा गरेको छ ।
शुक्रबार अर्थमन्त्री जनार्दन शर्माले बजेट अध्यादेशको प्रतिस्थापन विधेयक संसदमा पेश गर्दै कोरोना महामारीका कारण रोजगारी गुमाएका अनौपचारिक एवं असंगठित क्षेत्रका ५ लाख परिवारलाई १० हजार नगद उपलब्ध गराउने घोषणा गरेका हुन् ।
‘कोभिड-१९ का कारण रोजगारी र आयआर्जन गुमाएका अनौपचारिक एवं असंगठित क्षेत्रका गरिव तथा विपन्न करीब ५ लाख परिवारलाई एक पटकका लागि प्रति परिवार रु १० हजार निश्चित मापदण्डका आधारमा नगद अनुदान प्रदान गर्ने प्रबन्ध गरेको छु,’ उनले भने ।
