काठमाडौं । नेपाल पुनर्बीमा कम्पनीले प्रस्तावित लाभांश परिमार्जन गरेको छ । कम्पनीको मंगलबार बसेको बैठकले यसअघि घोषणा गरेको लाभांश परिमार्जन गरी १ प्रतिशत घटाएको हो ।
गत असार ७ गते बसेको बैंकले १६.५० प्रतिशत बोनस र कर प्रयोजनका लागि ३.५० गरी कुल २० प्रतिशत लाभांश् दिने घोषणा गरेको थियो ।
तर, मंगलबार बसेको बैठकले उक्त लाभांश परमार्जन गरी १६.५० प्रतिशत बोनस सेयर र कर प्रयोजनका लागि २.५० प्रतिशत नगद गरी कुल १९ प्रतिशत लाभांश दिने प्रस्ताव गरेको हो ।बीमा समितिको निर्देशन अनुसार प्रस्तावित लाभांश परिमार्जन गरिएको कम्पनीले जनाएको छ ।
संशोधित लाभांश अर्थ मन्त्रालय र बीमा समितिको स्वीकृति तथा कम्पनीको साधरणसभाबाट पारित भएपछि सेयरधनीले पाउनेछन् ।
