काठमाडौं । नबिल इन्भेष्टमेन्ट अन्तर्गतका दुई म्युचुअल फण्डले आर्थिक वर्ष २०७७/७८ को नाफाबाट लाभांश घोषणा गरेको छ ।
योजना व्यवस्थापक नबिल इन्भेष्टमेन्टको मंगलबार बसेको सञ्चालक समिति बैठकले नबिल ब्यालेन्स फण्ड-२ र नबिल इक्वीटी फण्डको प्रतिफल घोषणा गरेको हो ।
ब्यालेन्स फण्ड-२ का इकाई धनीलाई कर सहित ३५ प्रतिशत नगद दिने घोषणा गरेको हो । यसैगरी, नबिल इक्वीटी फण्डका इकाइधनीलाई करसहित ४० प्रतिशत नगद लाभांश दिने घोषणा गरेको छ ।
यी दुवै म्युचुअल फण्डको योजना व्यवस्थापकमा नबिल इन्भेष्टमेन्ट बैंकिङ रहेको छ । यसलाई नबिल बैंकले प्रवद्र्धन गरेको हो ।
