काठमाडौं । आगामी मंगलबार (भदौ १५ गते)देखि नेपाल र श्रीलंकाबीच सिधा हवाई उडान शुरु हुने भएको छ ।
नेपालका लागि श्रीलंकाका राजदूत हिमाली अरुणातिलकाले ट्वीट गर्दै मंगलबारदेखि काठमाडौं–कोलम्बो सिधा हवाई उडान शुरु हुने जानकारी दिएकी हुन् ।
नेपाल नागरिक उड्डयन प्राधिकरणका अनुसार काठमाडौं–कोलम्बो हप्तामा दुई उडान हुनेछ । हप्ताको दुई दिन मंगलबार र शनिबार काठमाडौं–कोलम्बो उडान हुने प्राधिकरणले जनाएको छ ।
श्रीलंकाको राष्ट्रिय ध्वजाबाहक श्रीलंकन एयरबाट उडान हुनेछ । काठमाडौं–कोलम्बोको भाडादर न्यूनतम ५९९ डलरदेखि अधिकतम ११५८ डलरसम्म तोकिएको छ ।
