काठमाडौं । एनआइसी एशिया बैंक र सगरमाथा इन्सुरेन्स कम्पनीबीच बैंकको डिजिटल च्यानल मार्फत् इन्सुरेन्सका ग्राहकहरुले बीमा प्रिमियम भुक्तानी गर्न सकिने सुविधा प्रदान गर्ने सम्झौता भएको छ ।
सम्झौता अनुसार सगरमाथा इन्सुरेन्सका ग्राहकहरुले एनआइसीको मोबाइल बैकिङ्गलगायत एनसीएचएल–कनेक्ट अइपीएस र फोन–पे एप प्रयोग गरी आफ्नो प्रिमियम भुक्तानी गर्न सक्नेछन् ।
सम्झौतापत्रमा बैंकको तर्फबाट सहायक प्रमुख कार्यकारी अधिकृत सन्तोष कुमार राठी र इन्सुरेन्सका तर्फबाट प्रमुख कार्यकारी अधिकृत चंकी क्षेत्रीले हस्ताक्षर गरे ।
बैंकले हाल देशभरका २९६ शाखा कार्यालय, ५८ वटा एक्स्टेन्सन काउण्टर, ४१ वटा शाखारहित बैंकिङ्ग र ३४१ एटीएम मार्फत् बैंकिङ्ग सेवा प्रदान गर्दै आएको छ । बैंकका करिब १८ लाखभन्दा बढी ग्राहक रहेका छन् ।
