काठमाडौं । सार्वजनिक यातायात व्यवसायीहरुले बिहीबार विभिन्न ७ बुँदै माग राख्दै प्रदर्शन गरेका छन् । यातायात केन्द्रीय महासंघ नेपालको अगुवाइमा व्यवसायीले चक्रपथ वरपरका विभिन्न स्थानमा र्याली निकालेका हुन् ।
व्यवसायीहरुले भाडा समायोजन, सबै मजदुरलाई कोरोनाको खोप, २० वर्ष पुगेका सवारीको अवधि थप सम्बन्धमा, यातायातको बीमा छुट, कागजपत्र नवीकरण तथा जरिवाना छुट लगायत माग राखेर प्रदर्शन गरेका हुन् ।
व्यवसायीको र्याली का कारण बिहान कोटेश्वर, चाबहिल, सातदोबाटो लगायत स्थानमा ट्राफिक जाम भएको थियो । जामका व्यवस्थापन गर्न कारण ट्राफिक प्रहरीलाई हम्मेहम्मे परेको थियो भने काममा हिँडेका सर्वसाधरणले सास्ती भोग्नु परेको थियो ।
सरकारले अन्तर प्रदेशको यातायातको भाडा वृद्धि गरे पनि प्रदेश भित्र र स्थानीय रुटमा चल्ने सार्वजनिक गाडीको भाडा समायोजन नगर्दा व्यवसायी सवारी चलाउनै नसक्ने अवस्थामा पुगेको संघको भनाइ छ ।
