काठमाडौं । ह्याकरहरुले नेपाल राष्ट्र बैंकसहित १५ वटा बैंकको सिस्टम ह्याक गरेर पैसा चोर्न धम्की दिएपछि बैंकिङ क्षेत्र आतंकित भएको छ ।
ह्याकरहरुले बैंकहरुलाई बुधबार दिउँसो ३ः२८ बजे इमेलमार्फत अफलाइन र अनलाइन दुवै तरिकाबाट पैसा चोरी गर्ने भन्दै सन्देश पठाएपछि बैंकिङ क्षेत्र तरंगित भएको हो ।
इम्पोर्टेन्ट डट इन एटयानडेक्स डटकमबाट पठाइएको इमेलमा पत्रलाई खेलाँचीका रूपमा नलिन चेतावनी समेत दिइएको छ ।
ह्याकरले नेपाल राष्ट्र बैंक, कुमारी बैंक, नेपाल बैंक, नबिल, राष्ट्रिय वाणिज्य, माछापुच्छ्रे, एनएमबी, एनआइसी एशिया, बैंक अफ काठमाण्डू, सिटिजन्स इन्टरनेशनल, सानिमा, नेपाल एसबीआइ, एभरेष्ट, नेपाल इन्भेष्टमेन्ट र हिमालय बैंकलाई इमेल गर्दै पौसा चोर्न धम्की दिएका थिए ।
यता, नेपाल राष्ट्र बैंकले भने ह्याकरको धम्कीबाट आतंकित र त्रसित नहुनसबैलाई आग्रह गरेको छ । बैंकिङ प्रणालीमा कुनै हमला नभएको भन्दै राष्ट्र बैंकले सिस्टम सुरक्षित रहेको जनाएको छ ।
ह्याकरहरुले आतंक फैलाउन यस्तो फण्डा मच्चाएको भन्दै राष्ट्र बैंकले सबैलाई ढुक्क हुन आग्रह गरेको छ । यसबार थप अनुसन्धान अघि बढाइए राष्ट्र बैंकले जनाएको छ ।
