काठमाडौं। चर्चित फुटबलर क्रिस्टियानो रोनाल्डोको एउटा कामले कोकाकोलाको सेयर मूल्यमा भारी गिरावट आएको छ ।
मंगलबार युरोकपको प्रिम्याच पत्रकार सम्मेलनमा पोचुर्गलका स्टार रोनाल्डोले कोकाकोलाको बोतल हटाएर पानीको बोतल उचालेपछि कम्पनीको सेयर मूल्यमा ठूलो गिरावट आएको हो । साथै ब्राण्डमा पनि ठूलो धक्का लागेको जनाइएको छ ।
उक्त घटना पछि युरो कपको ठूलो प्रायोजक समेत रहेको कोकाकालाको सेयर मूल्य गिरावट आएको बताइएको छ । उक्त घटना अघि कोकको सेयर मूल्य प्रति कित्ता ५६.१० अष्ट्रेलियन डलर (करिब ५०५८ रुपैयाँ) रहेको थियो । रोनाल्डोले प्रिम्याचमा कोकको बोतल हटाएपछि सेयर मूल्य १.६ प्रतिशतले घट्दै ५५.२० अष्ट्रेलियन डलर (करिब ४९७५ रुपैयाँ)मा झरेको थियो ।
उक्त मूल्य सामान्य घटेको देखिएपनि कोकाकोलाले एकैदिन करिब ५ अर्ब २० करोड अष्ट्रेलियन डलर ( करिब ४ खर्ब ६८ अर्ब रुपैयाँ) रुपैयाँ गुमाएको दाबी गरिएको छ । – द डेली स्टार
