एचआइडीसीएलको १०० प्रतिशत हकप्रद पाउन सेयर किन्ने आज अन्तिम दिन
चाणक्य पोष्ट
प्रकाशित : 8:16 am, बिहीबार, जेठ २७, २०७८

काठमाडौं । हाइड्रो इलेक्ट्रीसिटी इन्भेष्टमेन्ट एन्ड डेभलपमेन्ट कम्पनी (एचआइडीसीएल)को शतप्रतिशत हकप्रद सेयर सुरक्षित गर्ने आज अन्तिम दिन रहेको छ ।

 

कम्पनीले हकप्रद सेयर जारी गर्ने प्रयोजनका लागि भोलि (जेठ २८ गते) बुक क्लोज मिति तोकेको छ । तसर्थ, आजसम्म कायम हुने सेयरधनीले कम्पनीको हकप्रद भर्न पाउनेछन् ।

 

कम्पनीले हाल कायम चुक्ता पूँजीको १ः१ अनुपातमा हकप्रद जारी गर्न लागेको हो । कम्पनीले प्रतिकित्ता १०० रुपैयाँ दरले ११ अर्ब रुपैयाँ बराबरको ११ करोड हकप्रद जारी गर्न लागेको हो ।

 

हाल ११ अर्ब चुक्ता पूँजी रहेको कम्पनीको हकप्रद पछि चुक्ता पूँजी २२ अर्ब रुपैयाँ पुग्नेछ ।

 

कम्पनीको हकप्रद निष्काशन तथा विक्री प्रबन्धक ग्लोबल आइएमई क्यापिलट लिमिटेड रहेको छ।