काठमाडौं । चालू आथिक वर्षको आर्थिक वृद्धिमा आधाभन्दा बढी योगदान तीन क्षेत्रको रहेको छ ।
अर्थ मन्त्रालयले शुक्रबार सार्वजनिक गरेको आर्थिक वर्षक २०७७/७८ को आर्थिक सर्वेक्षणका अनुसार अर्थतन्त्रमा ५० प्रतिशतभन्दा बढी योगदान कृषि, खुद्रा व्यापार तथा गाडी मर्मत र निर्माण क्षेत्रको रहेको छ ।
चालू आवमा सबैभन्दा धेरै थोक तथा खुद्रा व्यापार, गाडी तथा मोटरसाइकल मर्मत सेवाको योगदान २०.१७ प्रतिशत, कृषि, वन र मत्स्यपालनको २०.१५ प्रतिशत र निर्माण क्षेत्रको ८.३६ प्रतिशत योगदान रहेको छ ।
त्यसैगरी, वित्तीय तथा बीमाको ८.३६ प्रतिशत, यातायात तथा भण्डारणको ८.२४ प्रतिशत र घरजग्गा कारोबारको ५.५३ प्रतिशत योगदान रहेको सर्वेक्षणमा उल्लेख छ ।
अर्थतन्त्रका अन्य मुख्य योगदानकर्तामा शिक्षा ५.४२ प्रतिशत, उत्पादनमुलक उद्योग ५.३३ प्रतिशत, सार्वज्निक प्रशासन ४.३२ प्रतिशत र आवास तथा भोजन ३.२९ प्रतिशत छन् ।
