काठमाडौं । नेपाल आयल निगमको अमलेखगञ्ज डिपोबाट अब हप्ताको ३ दिनमात्र इन्धन वितरण हुने भएको छ ।
निगमको इन्धन वितरण गर्ने मुख्य डिपो समेत रहेको अमलेखगञ्ज डिपाले कोरोना संक्रमण र निषेधाज्ञालाई मध्येनजर गर्दै साताको ३ दिन मात्र इन्धन वितरण गरिने जनाएको हो ।
डिपो कार्यालयले एक सूचना जारी गर्दै अबदेखि साताको तीन दिन आइतबार, बुधबार र शुक्रबार मात्रै इन्धन वितरण गरिने जानकारी दिएको हो ।
कर्मचारीको स्वस्थ्य अवस्था र स्थानीय प्रशासनको आग्रह बमोजिम सातामा ३ दिन मात्रै इन्धन वितरण गर्न लागिएको कार्यालयले जनाएको छ ।
साथै, डिपोले स्थानीय पम्प तथा निगमका डिपोहरुलाई पनि सोहीअनुसार इन्धन भर्ने व्यवस्था गर्न आग्रह गरेको छ ।
