काठमाडौं । निजी क्षेत्रको वायुसेवा प्रदायक यती एयरलाइन्सले सस्तो फ्लाइट अफर ल्याएको छ । एयरलाइन्सले मोबाइल एपबाट प्रोमो कोड प्रयोग गरी दुई ठाउँको टिकट सिस्तो मूल्यमा किन्न सकिने अफर ल्याएको हो ।
एयरलाइन्सका अनुसार प्रोमो कोड प्रयोगगरी काठमाडौं-पोखराको एकतर्फी टिकट १ हजार ५०० रुपैयाँमा किन्न सकिनेछ ।यस्तै, काठमाडौं- जनकपुर एकतर्फी टिकट १७०० रुपैयाँमा किन्न सकिनेछ ।
यो अफर २ दिन (वैशाख ६ र ७ गते) सम्म लागू हुने एयरलाइन्सले जनाएको छ । यद्यपि, काठमाडौं जनकपुर रुटमा भने १ दिन अर्थात् वैशाख ७ गते मात्र लागू हुनेछ ।
एयरलाइन्सले यसअघि पनि विभिन्न गन्तव्यमा यस्तो अफर ल्याएको थियो ।
