काठमाडौं । नेपाल आयल निगमले फेरि पेट्रोलियम पदार्थको मूल्य वृद्धि गरेको छ । निगमले शनिबार रातिदेखि लागू हुने गरी पेट्रोल, डिजल, मट्टीतेलको मूल्य प्रतिलिटर १ रुपैयाँ बढाएको हो ।
नयाँ मूल्यअनुसार पेट्रोल प्रतिलिटर १२१ रुपैयाँ पुगेको छ भने डिजल र मट्टीतेलको मूल्य प्रतिलिटर १०४ रुपैयाँ पुगेको छ ।
आन्तरिक उडानतर्फको हवाइ इन्धनको साविकको विक्री मूल्यमा २ वृद्धि हुँदा प्रतिलिटर ७६ रुपैयाँ पुगेको छ । खाना पकाउने ग्यास र अन्तर्राष्ट्रिय उडानका लागि प्रयोग हुने हवाई इन्धनको भने मूल्यवृद्धि गरिएको छैन ।
निगमका अनुसार मूल्य वृद्धिपछि पनि निगमलाई पेट्रोलमा ६.७२ रुपैयाँ, डिजलमा ४४ पैसा तथा खाना पकाउने एलपी ग्यासमा प्रतिसिलिण्डर ४१७.४७रुपैया घाटा रहेको छ । त्यस आधारमा १५ दिनमा ७० करोड ६६ लाख घाटा हुनेछ ।
निमगका अनुसार नेपाल भारत सीमाको रक्सोलको तुलनामा वीरगञ्ज क्षेत्रमा पेट्रोलको मूल्य प्रतिलिटर २९.२३ रुपैयाँ र डिजल प्रतिलिटर ३५.४१ रुपैयाँ नेपालतर्फ सस्तो छ ।
