६ दिनपछि संचालनमा आयो मनकामना केबलकार, स्तरोन्नति गर्न २ वर्ष लाग्ने

काठमाडौं । मनकामना केबलकार आजदेखि नियमित सञ्चालनमा आएको छ । स्तरोन्नतिको पहिलो चरणको कामका लागि यही चैत २५ देखि २९ गतेसम्म बन्द गरिएको केबलकार आज बिहान ८ बजेदेखि नियमित सञ्चालनमा आएको हो ।

 

यसअघि ३१ गतेबाट सञ्चालन गरिने जनाए पनि एक दिनअगावै नियमित सञ्चालनमा आएको मनकामना दर्शन प्रालिका नायब महाप्रबन्धक उज्ज्वल शेरचनले जानकारी दिए। २३ वर्ष पूरा भएको मनकामना केबलकारको तीन चरणमा स्तरोन्नति गरिँदै छ ।

 

यस अवधिमा केबलकारको स्तरोन्नतिको पहिलो चरणमध्येको कार्यअनुसार छ दिन बन्द गर्ने सूचना जारी गरेकोमा निर्धारित समयअगावै काम सकिएपछि आजदेखि नै सञ्चालन गरिएको उनले बताए ।

 

महाप्रबन्धक शेरचनका अनुसार पहिलो चरणमा तत्काल अत्यावश्यक र मर्मत गर्न नसकिने पार्टपुर्जा फेरिएको छ भने दोस्रो चरणमा नयाँ प्रविधिमैत्री बनाउन पूर्वाधार तयार तथा अन्य थप पार्टपुर्जा फेरिनेछ । अन्तिम चरणमा हालको एनालग प्रविधिबाट डिजिटलमा स्तरोन्नति गरिने उनले बताए। २ वर्षको अवधिमा यी सबै काम सकिएर नयाँ प्रविधिबाट केबलकार सञ्चालन हुने मनकामना दर्शन प्रालिले जनाएको छ ।

वैशाख १ देखि नयाँ बसपार्कको टिकट काउण्टर बन्द हुने, अब टिकट काट्न कहाँ जाने ? Read Previous

वैशाख १ देखि नयाँ बसपार्कको टिकट काउण्टर बन्द हुने, अब टिकट काट्न कहाँ जाने ?

साउन १ गतेदेखि ब्रोकरहरुले आफ्नै टीएमएस प्रयोगमा ल्याउने Read Next

साउन १ गतेदेखि ब्रोकरहरुले आफ्नै टीएमएस प्रयोगमा ल्याउने