काठमाडौं । सिद्धार्थ क्यापिटलको चौंथो सामूहिक लगानी कोष ‘सिद्धार्थ इन्भेष्टमेन्ट ग्रोथ स्कीम २’ योजनामा आवेदन दिने समय लम्बिएको छ ।
क्यापिटलले साउन २३ गतेदेखि बिक्रीमा ल्याएको १४ करोड इकाईमा साउन २६ गते सोमबाससम्म सबै इकाई खरीदका लागि आवेदन नपरेपछि भदौ २ गतसम्म आवेदन गर्न सकिने गरी समय थप गरिएको हो।
निष्काशित इकाइ मध्ये २ करोड १० लाख इकाई बिज पूँजी वापत कोष प्रवद्र्धक सिद्धार्थ बैंकलाई छुट्याइएको छ । बाँकी ११ करोड ९० लाख इकाई सार्वजनिक रुपमा बिक्रीका लागि खुला गरीएको हो ।
सिद्धार्थ म्युचुअल फन्डमा न्यूनतम १०० इकाईदेखि अधिकतम १ करोड ४० लाख इकाईसम्म आवेदन दिन सकिनेछ । यस योजनामा प्रतिइकाई १० रुपैयाँको दरले आवेदन दिन पाइनेछ ।
इच्छुक लगानीकर्ताले धितोपत्र बोर्डबाट आश्वा सदस्यता प्राप्त बैंक तथा वित्तीय संस्था र तिनको शाखा कार्यालयका अलवा मेरोशेयर सफट्वेयर मार्फत समेत आवेदन दिन सक्नेछन्।
सिद्धार्थ ग्रोथ स्किम २, दश वर्षे योजना हो, जसले पहिलो वर्ष प्रति ईकाई ५० पैसा र , दोस्रो वर्षदेखि प्रति ईकाई १ रुपैयाँ पाँचौ वर्षदेखि नवौवर्षसम्म १ रुपैयाँ ५० पैसा लाभांश दिने र दशौं वर्षमा २० रुपैयाँ १० पैसा सहित ईकाईधनीलाई पैसा फिर्ता दिईने जनाएको छ।
