काठमाडौं । डिप्रोक्स लघुवित्त वित्तीय संस्थाले खुद नाफामा उल्लेख्य सुधार गरेको छ । लघुवित्तले बुधबार सार्वजनिक गरेको चालू आर्थिक वर्षको दोस्रो त्रैमासको अपरिष्कृत वित्तीय विवरण अनुसार गत वर्षको तुलनामा खुदा नाफा ३१.२२ प्रतिशतले वृद्धि गरेको छ ।
लघुवित्तले चालू आवको पुस मसान्तसम्म ३२ करोड ४० लाख रुपैयाँ खुद नाफा कमाएको छ। यो गत आवको सोही अवधिको तुलनामा ७ करोड ७१ लाख रुपैयाँ बढी हो। लघुवित्तले गत वर्षको दोस्रो त्रैमाससम्म २४ करोड ६९ लाख रुपैयाँ खुद नाफा कमाएको थियो ।
समीक्षा अवधिमा लघुवित्तको खुद ब्याज आम्दानीमा सुधार आएसँगै खुद नाफामा वृद्धि भएको हो । लघुवित्तले सो अवधिमा ६६ करोड १४ लाख खुद ब्याज आम्दानी गरेको छ ।
१ अर्ब ५ लाख रुपैयाँ चुक्ता पूँजी रहेको लघुवित्तको जगेडा कोषमा १ अर्ब २० करोड रुपैयाँ सञ्चित छ।
समीक्षा अवधिसम्ममा लघुवित्तले ५ अर्ब ७८ करोड रुपैयाँ निक्षेप र ६ अर्ब ८२ करोड रुपैयाँ सापटी लिई १३ अर्ब ८४ करोड रुपैयाँ कर्जा लगानी गरेको छ।
लघुवित्तको प्रतिसेयर आम्दानी १५.३३ रुपैयाँ बढेर ६४.४५ रुपैयाँ पुगेको छ । उस्तै, लघुवित्तको प्रतिसेयर नेटवर्थ २१९.६६ रुपैयाँ, मूल्य आम्दानी अनुपात २२.९८ गुणा र खराब कर्जा ०.६२ प्रतिशत रहेको छ ।
