काठमाडौं । प्रधानमन्त्री कृषि आधुनिकीकरण परियोजना धनुषाद्धारा ३ दिने कृषि अभिकर्ता तालिम सम्पन्न गरेको छ ।
अभिकर्ता कृषि विषय अध्ययन गरेका, जेटीए तालिम गरेका वा भेटनरी पढेका मानिसहरुलाइ यो अभिकर्ता तालिम दिएको आयोजकले बताएको छ । तालिममा धनुषाका सबै स्थानीय तहबाट कम्तीमा १ जना नघट्ने गरी सहभागी भएका थिए ।
यो तालिम लिनका लागि कम्तीमा एसएलसी उत्तिर्ण भएको र कृषि सम्बन्धी १ दिन वा सोभन्दा बढी तालिम लिइसकेको हुनुपर्ने बताइएको छ ।
यो तालिमले ज्ञानको कमीले कृषिमा हुने क्षती न्यूनीकरण गर्न महत्वपूर्ण भूमिका खेल्न सक्ने विश्वास परियोजनाले लिएको धनुषा कार्यालयका प्रमुख युगल किशोर तिवारीले बताए ।
कार्यक्रमका प्रमुख अथिति धनुषा जिल्ला समन्वय समितिका अध्यक्ष रामदेव यादव थिए । २ नम्बर प्रदेश कृषि प्रदेशको रुपमा चिनिएको हुँदा यहाँ कृषि क्षती न्यूनीकरण गर्न सके समग्र मुलुकको आर्थिक विकासमा नै टेवा पुग्न सक्छ,’ यादवले भने ।उनले धनुषा जिल्लामा मात्र नभएर समग्र २ नम्बर प्रदेशमा नै यस्तो तालिमको आवश्यकता रहेको बताए ।
