काठमाडौं । सीवाइसी लघुवित्त र शालिग्राम लघुवित्तसँग मर्जर सम्झौता रद्द गरेको आरम्भ लघुवित्त वित्तीय संस्थाले अन्य दुई लघुवित्त प्राप्ति गर्ने भएको छ ।
आरम्भले असोज ९ गते सीवाइसी र शालिग्रामसँग मर्जर सम्झौता गरेको थियो । तर, यी दुई लघुवित्तसँग मर्जर सम्बन्धी कुरा नमिलेपछि आरम्भले बनेपामा केन्द्रीय कार्यालय रहेको बीपीडब्लु लघुवित्त र बुटवलमा केन्द्रीय कार्यालय रहेको देउराली लघुवित्तलाई प्राप्ति गर्ने भएको हो ।
आरम्भले यी दुई लघुवित्तसँग पुस १० गते प्राप्ति सम्बन्धी सम्झौता गरेको हो । मर्जर सम्बन्धी सम्झौता रद्द भएसँगै भोलि (बिहीबार) देखि नेप्सेमा आरम्भ चौतारीको कारोबार खुल्ने भएको छ ।
सीवासी र शालिग्राम लघुवित्तलाई गाभ्ने प्रारम्भिक सम्झौता भएपछि असोज ११ गतेदेखि आरम्भको सेयर कारोबार रोकिएको थियो।
