काठमाडौं । साउदी अरबले साढे ३ वर्षदेखि कतारमाथि लगाएको जल तथा स्थल सीमा प्रतिबन्ध हटाउने भएको छ ।
साउदी अरबमा आज हुन लागेको गल्फ कोअपरेशन काउन्सिलको एउटा सम्मेलनअघि कतारमाथिको प्रतिबन्ध हटाउने जानकारी आएको हो ।
आतङ्कवादलाई समर्थन गरेको आरोप लगाउँदै कतारका छिमेकी देशहरूले साढे ३ वर्षअघि उसमाथि नाकाबन्दी लगाएका थिए।
यूएई, बहरेन, इजिप्टले साउदी अरबसँग कूटनीतिक, व्यापारिक र यात्रा प्रतिबन्धलगायत साझेदारी गरेका थिए।
सानो भए पनि निकै धनी अरब मुलुक कतारले जिहादी आतङ्कवादीहरूलाई समर्थन गरेको आरोपको सधैँ खण्डन गर्ने गरेको छ।
