काठमाडौं । चन्द्रागिरी हिल्सले आयोजना प्रभावित क्षेत्रका लागि जारी गरेको प्राथमिक साधरण सेयर (आइपीओ) बाँडफाँट भएको छ ।
विक्री प्रबन्धक ग्लोबल आइएमई क्यापिटलमा आज भएको बाँडफाँट अनुसार ४ हजार ६०४ आवेदकले न्यूनतम १० देखि अधिकतम ८० कित्तासम्म सेयर हात पारेका छन् ।
७० कित्तासम्म आवेदन दिनेले मागे जति सेयर पाएका छन् भने त्यसभन्दा बढी कित्ताका लागि आवेदन दिने १ हजार १६३ जनाले थप १० गरी कुल ८० कित्ता सेयर पाएका हुन् ।
चन्द्रागिरी हिल्सले मंसिर १७ गतेदेखि पुस १ गतेसम्म आयोजना प्रभावित क्षेत्रका स्थानीयका लागि ३ लाख ६ हजार ८१९ कित्ता आइपीओ जारी गरेको थियो ।
सो आइपीओमा ७० कुल ४ हजार ८०८ जनाले १६ लाख ८५ हजार ५३० कित्ताका लागि आवेदन दिएका छन् । यो आवेदन मागभन्दा ५.४९ गुणा बढी हो । कुल आवेदक मध्ये २०४ जनाको आवेदन रद्द भएको क्यापिटलले जनाएको छ ।
कम्पनीले स्थानीयलाई आइपीओ बाँडफँट गरिसकेपछि दोस्रो चरणमा सर्वसाधरणका लागि १५ लाख ३४ हजार ९१ कित्ता आइपीओ निष्काशन गर्नेछ ।
