काठमाडौं । जापानले विश्वभरबाट आफ्नो देश प्रवेश गर्नेहरुलाई रोक लगाएको छ ।
बेलायतबाट शुरु भएको कोेरोना भाइरसको नयाँ प्रकार भेटिएसँगै सोमबारबाट लागू हुने गरी जापानले विदेशी नागरिकलाई मुलुक प्रवेशमा रोक लगाउने निर्णय गरेको हो ।
यो प्रतिबन्ध जनवारी अन्तिमसम्म रहने जनाइएको छ । जसमा विश्वभरिका नागरिक पर्ने छन् । विदेशबाट फकिर्ने आफ्ना नागरिकका हकमा भने यो नियम लागू हुने छैन ।
यद्यपि जापानी नागरिक तथा जापानमा बसोबास गर्ने विदेशीहरुले भने जापानमा प्रवेश पाउने बताइएको छ । त्यस्ता नागरिकले १४ दिन सेल्फ क्वारेन्टिनमा बस्नुपर्ने अनिवार्य नियम लागू गरिएको छ ।
