काठमाडौं। नेपाल धितोपत्र बोर्डले सेयर कारोबारमा लाग्दै आएको ब्रोकर कमिशन ३३ प्रतिशतले घटाएको छ । आइतबारदेखि कार्यान्वयन हुने गरी ३३ प्रतिशतले ब्रोकर कमिसन घटाएको हो ।
एक करोड रुपैयाँभन्दा माथिको कारोबारमा हाल लगानीकर्ताले ०.४० प्रतिशत तिर्दै आएकोमा अबदेखि ०.२६८ प्रतिशत मात्र तिर्नु पर्ने व्यवस्था गरिएको छ ।
यसैगरी हाल ५ लाखदेखि २० लाखसम्मको कारोबारमा ०.५० प्रतिशत र २० लाखदेखि एक करोडसम्मको कारोबारमा ०.४५ प्रतिशत तिर्दै आएकोमा अबदेखि क्रमश ०.३३५ र ०.३०१५ प्रतिशत ब्रोकर कमिशन लाग्ने भएको छ ।
यसअघि ५० हजार रुपैयाँसम्मको कारोबारमा ०.६ प्रतिशत कमिसन तिर्दै आएकोमा अबदेखि ०.४०४ प्रतिशत मात्र ब्रोकर कमिशन तिर्नुपर्ने भएको छ ।
त्यस्तै ५० हजारदेखि पाँच लाख रुपैयाँसम्मको कारोबारमा ०.५५ प्रतिशत तिर्दै आएकोमा अबदेखि ०.३६८५ प्रतिशत तिर्नुपर्ने भएको छ । यसरी ब्रोकर कमिशन समग्रमै ३३ प्रतिशतले घटाइएको छ ।
